ایران کے ثقافتی ورثہ، سیاحت اور دستکاری کے وزیر عزت اللہ زرغامی نے اس فیصلے کو عالمی پیغام کے طور پر اجاگر کیا
جن 33 ممالک کے لیے ایران نے ویزا فری داخلے کا اعلان کیا ہے ان میں متحدہ عرب امارات، سعودی عرب، بحرین، قطر، کویت، بھارت، روس، لبنان، ازبکستان، کرغزستان اور تاجکستان شامل ہیں.
اس کے علاوہ تیونس، موریطانیہ، تنزانیہ، زمبابوے، ماریشس، سیشلز، انڈونیشیا، برونائی، جاپان اور سنگاپور کے شہریوں کے لیے ایرانی ویزا مفت ہوگا.
کمبوڈیا، ملائیشیا، ویت نام، برازیل، پیرو، کیوبا، میکسیکو، وینزویلا، بوسنیا اور ہرزیگووینا، سربیا، کروشیا اور بیلاروس کے شہری بھی ویزا فری داخلے سے لطف اندوز ہوں گے.
ایرانی وزیر زرغامی نے مزید کہا کہ ابتدائی طور پر ان کی وزارت نے 60 ممالک کے لیے ویزا فری داخلے کی تجویز پیش کی تھی لیکن حکومت نے ان میں سے 33 کے لیے اس اقدام کو گرین سگنل دیا.
واضح رہے کہ ایرانی شہریوں کو اب 19 دسمبر سے باقاعدہ پروازوں کے ذریعے عمرہ کے لیے سعودی عرب جانے کا موقع ملے گا۔