دھند کی وجہ سے 50 سے زائد ملکی اور غیر ملکی پروازیں تاخیر کا شکار ہوئیں جبکہ گزشتہ 3 دنوں کے دوران ملک بھر سے 88 مقامی اور بین الاقوامی پروازیں اپنی منزل کے لیے روانہ نہیں ہو سکیں.
حکام کا کہنا ہے کہ اسلام آباد میں خراب موسم کی وجہ سے جدہ سے اسلام آباد جانے والی ایک نجی ایئر لائن کی پرواز لاہور میں اتری اور مسقط سے سیالکوٹ جانے والی نجی ایئر لائن کی پرواز بھی لاہور میں اتری.
اس کے علاوہ شارجہ سے پشاور جانے والی پی آئی اے کی پرواز پی کے 258 کراچی میں اتری.
دھند کی وجہ سے کئی پروازیں ٹیک آف نہیں ہو سکیں، اسلام آباد سے ابوظہبی کے لیے پرواز PK 261، دبئی سے اسلام آباد جانے والی پرواز PK 234 منسوخ کر دی گئی.
لاہور سے کوئٹہ کے لیے پی آئی اے کی پرواز پی کے 322 اور کراچی سے سکھر جانے والی پی آئی کی پرواز 530 اور 531 بھی ٹیک آف کرنے میں ناکام رہی.
