فائرنگ کا واقعہ ایران کے صوبے کرمان میں ایک فوجی اڈے پر پیش آیا۔ فائرنگ کے وقت اہلکار اپنی بیرکوں میں آرام کر رہے تھے۔ واقعے کی وجہ تاحال معلوم نہیں ہوسکی ہے۔میڈیا رپورٹس کے مطابق واقعہ کے بعد اہلکار فرار ہوگیا جس کی تلاش جاری ہے۔واضح رہے کہ رواں ماہ کرمان میں ہونے والے بم دھماکوں کے نتیجے میں 94 افراد ہلاک اور 100 سے زائد زخمی ہوئے تھے، ان دھماکوں کی ذمہ داری دہشت گرد تنظیم داعش نے قبول کی تھی۔اس سے قبل 2022 میں ایک فوجی نے ملک کے جنوبی حصے میں ایک پولیس اسٹیشن میں دوسرے فوجی اور تین پولیس اہلکاروں کو ہلاک کر دیا تھا۔