غیر ملکی میڈیا رپورٹس کے مطابق سری لنکا کی پارلیمنٹ نے آن لائن مواد کنٹرول بل کو اکثریتی ووٹوں سے منظور کر لیا ہے. یہ بل ان لوگوں کے لیے جیل کی سزا تجویز کرتا ہے جو آن لائن غیر قانونی مواد پوسٹ کرتے ہیں.اس کے علاوہ آن لائن مواد کی جانچ کے لیے پانچ رکنی کمیشن بھی تشکیل دیا گیا ہے۔سری لنکا کی حکومت کا کہنا ہے کہ یہ قانون سائبر کرائم، بچوں کے ساتھ بدسلوکی اور آن لائن فراڈ کو روکنے کے لیے بنایا گیا ہے۔تاہم دوسری جانب اپوزیشن اور سماجی تنظیموں نے اس بل کی مخالفت کرتے ہوئے اسے آزادی اظہار پر پابندی قرار دیا ہے۔