مرتضیٰ سولنگی نے اسلام آباد میں پریس کانفرنس کرتے ہوئے کہا کہ انتخابات میں 4 دن باقی ہیں، صاف ستھرے اور شفاف انتخابات کے انتظامات کیے گئے ہیں۔
انہوں نے کہا کہ پاکستان دنیا کی پانچویں بڑی جمہوریت ہے ، ہم ایک آزاد ملک ہیں، ہر کسی کو اس ملک میں اپنی رائے کا اظہار کرنے کا حق ہے، ہم عدالتوں کو کنٹرول نہیں کرتے، وہ خود مختار ہیں
وزیر اطلاعات نے کہا کہ انتخابات میں سیکیورٹی کو تین حصوں میں تقسیم کیا گیا ہے، پولیس پہلے سیکیورٹی کے فرائض انجام دے گی، فرنٹیئر کور (ایف سی) اور رینجرز دوسرے حصے میں سیکیورٹی فراہم کریں گے
انہوں نے کہا کہ انتخابات قومی اسمبلی کی 266 نشستوں پر ہوں گے، 120 ملین سے زائد شہری ووٹرز انتخابات میں ووٹ ڈالنے کا حق استعمال کریں گے، 69 ملین مرد، 59 ملین سے زائد خواتین رجسٹرڈ ووٹر ہیں
مرتضیٰ سولنگی نے مزید کہا کہ پاکستان دہشت گردوں کے خلاف کارروائی کر رہا ہے، 2008 کے انتخابات دہشت گردی کی وجہ سے خوف کی فضا میں ہوئے، 2008 اور 2013 میں دہشت گردی ہوئی،