یونیسیف کی رپورٹ کے مطابق غزہ کے 610,000 بچے رفح کی گلیوں اور کھیتوں میں کھلے آسمان تلے زندگی گزار رہے ہیں۔واضح رہے کہ غزہ پر اسرائیل کے وحشیانہ حملے تاحال جاری ہیں، دیر البلاح میں ایک گودام پر اسرائیلی حملے میں متعدد بے گھر فلسطینی شہید اور متعدد زخمی ہوچکے ہیں۔واضح رہے کہ 7 اکتوبر سے غزہ میں اسرائیلی فوج کے حملوں میں شہید فلسطینیوں کی تعداد 27 ہزار 585 سے تجاوز کر گئی ہے جب کہ 66 ہزار 978 سے زائد افراد زخمی ہو چکے ہیں۔غزہ میں اسرائیلی بمباری سے شہید اور زخمی ہونے والوں میں نصف سے زیادہ صرف بچے اور خواتین ہیں۔