ایک بیان میں ٹوری ایم پی لی ایڈرسن نے کہا کہ مسلمانوں نے لندن کا کنٹرول سنبھال لیا ہے، مسلمان میئر نے لندن کو ہم سے چھین لیا ہے۔کنزرویٹو پارٹی سے تعلق رکھنے والے رکن پارلیمنٹ کا کہنا تھا کہ برطانیہ پر مسلمانوں نے قبضہ نہیں کیا بلکہ لندن کے میئر صادق خان پر مسلمانوں کا قبضہ ہے اور مسلمان میئر کا مطلب ہے کہ لندن پر مسلمان قابض ہیں۔لی ایڈرسن کی نفرت انگیز تقریر پر شدید ردعمل سامنے آیا اور برطانیہ کی لیبر پارٹی نے لی ایڈرسن کے بیان کو متعصب اور نسل پرستانہ قرار دیتے ہوئے مطالبہ کیا کہ وزیر اعظم رشی سونک کے ایم پی لی ایڈرسن کو پارٹی سے نکال دیا جائے۔
بیان پر ردعمل دیتے ہوئے لندن کے پاکستانی نژاد میئر صادق خان نے کہا کہ لی اینڈرسن مسلمانوں کے خلاف نفرت پھیلا رہے ہیں، ان کا بیان آگ کو ہوا دے گا، اس معاملے پر وزیراعظم کی خاموشی متنازع بیان کے دفاع کے مترادف ہے۔شدید تنقید کے بعد لی اینڈرسن کو مسلمانوں کے خلاف نفرت انگیز بیانات دینے پر پارٹی سے معطل کر دیا گیا۔
