غیر ملکی میڈیا رپورٹس کے مطابق فلسطینی اتھارٹی کو مغربی کنارے میں اصلاحات اور بہتری لانے کے لیے امریکا کی جانب سے شدید دباؤ کا سامنا ہے۔ فلسطینی اتھارٹی کے مستعفی وزیر اعظم محمد اشتیا نے کہا ہے کہ میں نے مستعفی ہونے کا فیصلہ سیاسی انتظامات میں فلسطینیوں کے درمیان وسیع اتفاق رائے پیدا کرنے کے لیے کیا ہے۔دوسری جانب وائٹ ہاؤس کے قومی سلامتی کے مشیر جیک سلیوان کا کہنا ہے کہ اسرائیل، مصر، قطر اور امریکا نے عارضی جنگ بندی کے اعلان کے لیے قیدیوں کے معاہدے کے بنیادی نکات پر اتفاق کیا ہے۔
جیک سلیوان کا مزید کہنا ہے کہ مذاکرات آخری مراحل میں ہیں، قطر اور مصر کو حماس سے براہ راست مذاکرات کرنے چاہئیں، جو بائیڈن نے رفح آپریشن کے حوالے سے اسرائیل کا منصوبہ ابھی تک نہیں دیکھا۔دوسری جانب یرغمالیوں کی رہائی کے حوالے سے ہونے والے مذاکرات کے حوالے سے اسرائیلی میڈیا کا کہنا ہے کہ پیرس میں ہونے والے مذاکرات میں 40 مغویوں کی رہائی کے بدلے غزہ جنگ میں 6 ہفتے کے وقفے کا امکان ہے اور سینکڑوں فلسطینی قیدیوں کی رہائی۔ امریکہ رمضان المبارک سے پہلے غزہ پر معاہدہ کرنا چاہتا ہے۔
