سعودی فنڈ برائے ترقی اور اقتصادی امور میں معاہدے

60

سعودی فنڈ برائے ترقی کے وفد نے وزیر اقتصادی امور احد چیمہ سے ملاقات کی، وزیر اقتصادی امور نے صحت، توانائی، انفراسٹرکچر میں تعاون کو سراہا۔بیان کے مطابق اجلاس میں شونتر ہائیڈرو پاور پراجیکٹ کے لیے 66.00 ملین ڈالر اور جاگراں IV ہائیڈرو پاور پراجیکٹ کے لیے 41.00 ملین ڈالر کے قرض کے معاہدوں پر دستخط کیے گئے۔

سیکرٹری اقتصادی امور ڈویژن اور چیف ایگزیکٹو آفیسر ایس ایف ڈی نے معاہدوں پر دستخط کیے، دونوں پاور پراجیکٹس سے پیدا ہونے والی بجلی نیشنل گرڈ میں منتقل کی جائے گی۔ایس ایف ڈی کے وفد نے پاکستان کی حمایت جاری رکھنے کی یقین دہانی کرائی۔