غیر ملکی میڈیا کے مطابق اسرائیلی پارلیمنٹ نے ایک قانون کی منظوری دی ہے جس کے تحت حکومت کو غیر ملکی نشریاتی اداروں کو سیکیورٹی حالات میں بند کرنے کا اختیار حاصل ہے۔اسرائیلی وزیراعظم نیتن یاہو نے سوشل میڈیا پوسٹ میں اعلان کیا کہ الجزیرہ اب اسرائیل میں نشر نہیں کیا جائے گا، نئے قانون کے مطابق فوری کارروائی کی جائے گی۔برطانوی میڈیا کے مطابق اسرائیلی وزیر اعظم ایک عرصے سے الجزیرہ کی نشریات روکنے کی کوشش کر رہے ہیں اور ان پر اسرائیل مخالف ہونے کا الزام لگا رہے ہیں۔غزہ میں اسرائیلی حملوں کے دوران الجزیرہ کے متعدد صحافی اور ان کے اہل خانہ شہید ہو چکے ہیں۔
گزشتہ سال 25 اکتوبر کو غزہ کے بیورو چیف کی اہلیہ، بیٹا، بیٹی، پوتا اور 8 دیگر رشتہ دار فضائی حملے میں شہید ہو گئے تھے۔