وفاقی وزیر ہاؤسنگ و ورکس ریاض حسین پیرزادہ نے نور خان ایئر بیس پر ایرانی صدر کا استقبال کیا.
دفتر خارجہ کے ترجمان کے مطابق ایرانی وفد میں وزیر خارجہ، کابینہ کے ارکان اور اعلیٰ حکام شامل ہیں
ترجمان کے مطابق اجلاس میں مختلف شعبوں میں تعلقات عامہ اور تعاون بڑھانے کا ایجنڈا بھی شامل ہے. اس کے علاوہ ایرانی صدر کے دورے کے دوران دہشت گردی کے مشترکہ خطرے سے نمٹنے کے لیے دو طرفہ تعاون پر بات چیت ہوگی.
دفتر خارجہ کے ترجمان کے مطابق ایرانی صدر کا دورہ دوطرفہ تعلقات کو مزید مضبوط بنانے کا ایک اہم موقع فراہم کرتا ہے. ایرانی صدر پاکستان کے دورے کے دوران اسلام آباد، لاہور اور کراچی کا دورہ کریں گے.