اردوورلڈ کینیڈا( ویب نیوز)پاکستانی گلوکارہ، نغمہ نگار اور موسیقار مومنہ مستحسن کے انسٹاگرام اکاؤنٹ سے تمام پوسٹس اچانک غائب ہو گئیں۔

کوک اسٹوڈیو سیزن 9 میں لیجنڈ قوال راحت فتح علی خان کے ساتھ گا کر شہرت کی نئی بلندیوں پر پہنچنے والی نوجوان نسل کی پسندیدہ گلوکارہ مومنہ مستحسن اپنی انسٹاگرام وال پر اچانک بالکل خالی ہوگئی ہیں۔
مومنہ مستحسن کے انسٹاگرام اکاؤنٹ سے اچانک غائب ہونے والی تمام پوسٹس دیکھ کر مداح پریشان ہیں۔
مومنہ کے انسٹاگرام اکاؤنٹ کو دیکھیں تو انہیں 40 لاکھ سے زائد انسٹاگرام صارفین فالو کر رہے ہیں جب کہ وہ 520 اکاؤنٹس کو فالو کر رہی ہیں۔
گلوکارہ کی پوسٹس ڈیلیٹ کرنے کے بعد ان کے انسٹاگرام اکاؤنٹ پر صفر پوسٹس نظر آرہی ہیں جسے دیکھ کر ان کے مداح حیرت اور طرح طرح کے شکوک و شبہات کا اظہار کررہے ہیں۔