اردو ورلڈ کینیڈا ( ویب نیوز ) حرمین شریفین کے متولی شاہ سلمان بن عبدالعزیز کی دعوت پر فلسطینی شہداء کے ایک ہزار خاندان حج کی سعادت حاصل کریں گے۔شاہی فرمان کے مطابق حرم شریفین کے متولی نے اس سال فلسطینی شہداء کے 1000 خاندانوں کو بطور شاہی مہمان حج کی دعوت دی ہے۔سعودی پریس ایجنسی نے مزید کہا کہ 88 سے زائد ممالک کے مزید 1300 عازمین بھی بطور شاہی مہمان حج کی سعادت حاصل کریں گے۔

واضح رہے کہ حرمین شریفین کے متولیوں کے زیر اہتمام حج پروگرام ہر سال جاری کیا جاتا ہے جس میں دنیا بھر سے متعدد افراد بطور شاہی مہمان حج ادا کرتے ہیں۔اسلامی امور کے وزیر اور حرمین شریفین کے حج وزیٹر پروگرام کے نگران شیخ ڈاکٹر عبداللطیف بن عبدالعزیز آل الشیخ کے مطابق 26 سال قبل اس پروگرام کے آغاز سے اب تک 60 ہزار سے زائد عازمین حج کی میزبانی کی جا چکی ہے۔