اردو ورلڈ کینیڈا ( ویب نیوز ) نیم فوجی ریپڈ رسپانس فورس نے وسطی سوڈان کے ایک گاؤں پر حملہ کیا جس کے نتیجے میں 35 بچوں سمیت کم از کم 150 افراد ہلاک ہو گئے۔میڈیا رپورٹس کے مطابق سوڈانی فوج نے حملے کا بھرپور جواب دینے کا اعلان کرتے ہوئے نیم فوجی گروپ ریپڈ سپورٹ فورسز کو بچوں سمیت 150 افراد کے قتل عام کا ذمہ دار ٹھہرایا ہے۔

سوڈانی فوج کے سربراہ عبدالفتاح البرہان کے مطابق آر ایس ایف کے حملے کا بھرپور جواب دیا جائے گا۔برطانوی خبر رساں ایجنسی کے مطابق، یہ مختلف دیہاتوں پر RSF کا تازہ ترین حملہ تھا، جس میں فوجی ٹھکانوں بھی شامل ہیں۔ آر ایس ایف نے ان الزامات پر کوئی تبصرہ نہیں کیا۔واضح رہے کہ سوڈان میں نیم فوجی گروپ آر ایس ایف گزشتہ 13 ماہ سے ملک پر کنٹرول کے لیے لڑ رہا ہے۔