اردو ورلڈ کینیڈ ا ( ویب نیوز ) عالمی دنیا کی غزہ میں جنگ بندی کی کوششوں کے باوجود اسرائیل کی ہٹ دھرمی برقرار 24 گھنٹوں میں مزید 40 فلسطینی شہید کر دئیے ۔اسرائیلی حکام کا کہنا ہے کہ وہ تمام مقاصد کے حصول تک جنگ نہیں روکیں گے اور جنگ بندی کی تجاویز سے اسرائیل کو مقاصد حاصل کرنے کا موقع ملے گا۔
یہ بھی پڑھیں
اسرائیل کا غزہ میں سکول پر حملہ، خواتین اور بچوں سمیت 32 فلسطینی شہید
گزشتہ شب اقوام متحدہ کی سلامتی کونسل نے غزہ جنگ بندی سے متعلق امریکی قرارداد کی منظوری دی تھی۔حماس نے اقوام متحدہ کی سلامتی کونسل کی غزہ جنگ بندی کی قرارداد کا خیر مقدم کیا ہے اور اس کی تفصیلات پر بات کرنے پر آمادگی ظاہر کی ہے۔غزہ میں جنگ بندی کی کوششوں کے باوجود غزہ پر اسرائیلی فوج کے حملے بدستور جاری ہیں۔
گزشتہ 24 گھنٹوں کے دوران 40 فلسطینی شہید ہو گئے۔ ادھر مقبوضہ مغربی کنارے میں بھی اسرائیلی فوج کی جارحیت جاری ہے، چھاپوں میں مزید 6 فلسطینی شہید ہوگئے۔فلسطینی مزاحمتی گروپوں کے جوابی حملے میں رفح میں چار اسرائیلی فوجی مارے گئے جب کہ حزب اللہ نے لبنان میں ایک اسرائیلی ڈرون کو مار گرایا۔یاد رہے کہ 7 اکتوبر سے اب تک فلسطینی شہداء کی تعداد 37 ہزار 160 سے زائد ہو گئی ہے۔
