اردو ورلڈ کینیڈا ( ویب نیوز ) امریکہ نے اپنی سرزمین پر سکھ شہری پر قاتلانہ حملے کی منصوبہ بندی کرنے پر بھارت کے خلاف جوابی کارروائی کی ہے۔امریکی نائب وزیر خارجہ کرٹ کیمبل نے آن لائن بریفنگ میں تصدیق کی کہ امریکی سرزمین پر ایک امریکی شہری کو قتل کرنے کی کوشش کی گئی اور اس سازش میں بھارت کے ملوث ہونے کی تحقیقات کی جا رہی ہیں۔کرٹ کیمبل نے کہا کہ امریکا نے اس معاملے پر بھارت کے ساتھ بات چیت کی ہے اور بھارت نے امریکی تحفظات کا جواب دیا ہے۔

انہوں نے کہا کہ بھارتی حکام الزامات کی روشنی میں ادارہ جاتی اصلاحات کی ضرورت پر غور کر رہے ہیں۔کرٹ کیمبل نے مزید کہا کہ امریکہ نے ہندوستان پر واضح کر دیا ہے کہ امریکہ اس معاملے میں جواب چاہتا ہے۔نائب امریکی وزیر خارجہ نے کہا کہ ہم نے بھارت سے کہا ہے کہ وہ اس معاملے پر ہونے والی پیش رفت سے آگاہ کرے۔