اردوورلڈ کینیڈا( ویب نیوز)فالج کے مریض کو اٹک سے راولپنڈی لے جانے والی ریسکیو 1122 کی ایمبولینس آئل ٹینکر سے ٹکرا گئی۔ خوفناک حادثے میں ریسکیو اہلکاروں سمیت 5 افراد جاں بحق اور 3 زخمی ہوگئے۔
امدادی ذرائع کے مطابق اٹک ڈسٹرکٹ ہسپتال میں سہولیات کی کمی کے باعث فالج کی خاتون مریضہ کو راولپنڈی ہسپتال منتقل کیا جا رہا تھا۔ اٹک راولپنڈی روڈ پر ریسکیو 1122 کی ایمبولینس سامنے سے آنے والے آئل ٹینکر سے ٹکرا گئی۔ خوفناک حادثے میں ریسکیو میڈیکل ٹیکنیشن سمیت 5 افراد جاں بحق ہوگئے۔
حادثے کے نتیجے میں ایمبولینس میں موجود مریضہ اور اس کے 3 رشتہ دار بھی جاں بحق ہوگئے۔ اس کے علاوہ 3 افراد زخمی بھی ہوئے۔ پانچ جاں بحق افراد کی لاشوں اور زخمیوں کو قریبی ہسپتال منتقل کر دیا گیا ہے۔
ریسکیو 1122 کی ایمبولینس کے حادثے میں جاں بحق ہونے والے افراد کی شناخت ہو گئی ہے جن میں 32 سالہ ریسکیو اہلکار عمران، 52 سالہ شاہین، 70 سالہ کامنہ بی بی، 44 سالہ ریاض، 40 سالہ ریاض شامل ہیں۔ بوڑھی ثمینہ بی بی۔ ایمبولینس کا ڈرائیور وقار احمد شدید زخمی ہے جبکہ دیگر زخمیوں میں 60 سالہ عبدالوحید، 36 سالہ رخسانہ بی بی شامل ہیں۔