اردوورلڈ کینیڈا( ویب نیوز)صدر آصف علی زرداری نے فنانس ترمیمی بل 2024 کی منظوری دے دی۔فنانس بل کی دستخط شدہ کاپی پارلیمنٹ کو بھیج دی گئی۔
یاد رہے کہ وفاقی بجٹ کا مجموعی حجم 18 ہزار ارب روپے سے زائد ہے، فنانس بل کے تحت مختلف ٹیکسز اور ڈیوٹیز میں تبدیلی کی گئی ہے، نئے وفاقی بجٹ کا اطلاق کل سے ہو گا، 200 ارب روپے سے زائد کے ٹیکسز لاگو کیا جائے گا.
واضح رہے کہ فنانس ترمیمی بل 2024 گزشتہ روز صدر آصف علی زرداری کو بھجوایا گیا تھا، پارلیمانی ذرائع کے مطابق سپیکر قومی اسمبلی ایاز صادق نے فنانس ترمیمی بل صدر مملکت کو بھجوایا۔
قومی اسمبلی نے فنانس بل متعدد ترامیم کے ساتھ منظور کرلیا، بل اور متعلقہ دستاویزات پر وزیراعظم شہباز شریف کے دستخط بھی ہیں، صدر کی منظوری کے بعد فنانس ترمیمی بل کل یکم جولائی سے نافذ العمل ہوگا۔