اردوورلڈ کینیڈا( ویب نیوز)امریکہ کی طرف سے ایک بار پھر تحریک انصاف کے بانی عمران خان کے خلاف مقدمات کو پاکستان کا اندرونی معاملہ قرار دے دیا گیا ہے.
امریکی محکمہ خارجہ کے نائب ترجمان نے پریس کانفرنس کے دوران کہا ہے کہ بانی پی ٹی آئی کے خلاف مقدمات پاکستان کا اندرونی معاملہ ہے، پاکستان میں انتخابات کی شفافیت کا مسئلہ ہماری توجہ کا مرکز ہے، ہم زیر التواء قانون سازی پر بات کر رہے ہیں۔
امریکی محکمہ خارجہ کے نائب ترجمان ویدانت پٹیل نے مزید کہا کہ کانگریس امریکی جمہوری نظام میں حکومت کی ایک الگ شاخ ہے، پاکستان اور بھارت کو اپنے معاملات خود طے کرنے ہوں گے، امریکہ دنیا بھر کے پڑوسی ممالک میں بات چیت کی حوصلہ افزائی کرتا ہے
انہوں نے کہا کہ اعلیٰ امریکی حکام نے مسلسل، نجی اور عوامی سطح پر پاکستان پر زور دیا ہے کہ وہ آئین کے مطابق عوام کے حقوق کا احترام کرے، انسانی حقوق اور بنیادی آزادیوں کا احترام کرے، جن میں آزادی اظہار، پرامن اجتماع اور مذہبی آزادی شامل ہیں.