اردو ورلڈ کینیڈا ( ویب نیوز ) قدامت پسند رہنما لارڈ امیر سرفراز نے کہا ہے کہ گزشتہ ڈیڑھ سال سے ہماری خارجہ پالیسی پر شدید تحفظات ہیں، ہماری پارٹی گزشتہ ایک سال سے غزہ کو بھول چکی ہے،انہوں نے کہا کہ لیبر پارٹی کی پالیسی ایسی نہیں تھی کہ لوگوں نے اسے ووٹ دیا، یہ ہماری پارٹی کے خلاف عوام کا غصہ تھا۔لاڈ عامر سرفراز نے کہا کہ ایگزٹ پولز حتمی نتائج نہیں ہیں لیکن اس کے قریبی نتائج ہیں. اب تک کے نتائج فارم 45 ہیں جبکہ فارم 47 ابھی آنا باقی ہے۔

قدامت پسند رہنما لارڈ طارق نے کہا کہ اس بات کو تسلیم کرتے ہوئے کہ کچھ فیصلوں سے مشکلات پیدا ہوئی ہیں، پارٹی کو صبر سے سوچنا چاہیے کہ آگے کیسے بڑھنا ہے۔لبرل ڈیموکریٹس کے رہنما لارڈ قربان نے کہا کہ عوام کنزرویٹو پارٹی سے ناراض ہیں، ہم شروع سے ہی بریگزٹ کے خلاف ہیں اور اب بھی ہیں۔انہوں نے کہا کہ اگر لیبر پارٹی کو ایگزٹ پولز کے مطابق سیٹیں مل جاتی ہیں اور حکومت بنتی ہے تو ہمیں یورپی یونین میں شامل ہونے کے فیصلے میں حمایت حاصل ہوگی۔