اردو ورلڈ کینیڈا ( ویب نیوز ) روسی فوج میں کام کرنے والے تمام بھارتیوں کو فارغ کرنے کا فیصلہ کیا گیا ہے۔بھارتی میڈیا کے مطابق یوکرین اور روس کے درمیان جنگ کے دوران 2 بھارتی مارے گئے ہیں جب کہ درجنوں جنگی علاقے میں پھنسے ہوئے ہیں، دعویٰ کیا گیا ہے کہ انہیں لڑائی میں پھنسایا گیا۔بھارتی میڈیا کے مطابق وزیراعظم نریندر مودی نے روس کے دورے کے دوران صدر ولادی میر پیوٹن کے ساتھ یہ معاملہ اٹھایا۔
بھارتی وزیر اعظم نریندر مودی 2 روزہ دورے پر ماسکو میں ہیں جہاں انہوں نے کل شام روسی صدر پوتن کی طرف سے دیے گئے عشائیے میں اس معاملے پر بات کی۔بھارتی میڈیا کے مطابق تقریباً 24 بھارتی شہریوں کو ایجنٹوں نے نوکری دلانے کے بہانے روس لا کر یوکرین کے خلاف لڑنے پر مجبور کیا۔بھارتی میڈیا کے مطابق روس نے بھی بھارتیوں کو فوج سے فارغ کرنے اور ان کی وطن واپسی میں سہولت فراہم کرنے پر آمادگی ظاہر کی ہے۔
