اردو ورلڈ کینیڈا ( ویب نیوز ) مقبوضہ جموں و کشمیر میں بھارتی فوجی قافلے کے ٹرک پر ہینڈ گرنیڈ سے حملہ کیا گیا جس کے نتیجے میں 5 فوجی واصل جہنم اور 6 زخمی ہوگئے۔مقبوضہ کشمیر کے ضلع کٹھہ کے دور افتادہ علاقے مچیڈی، کنڈلی اور ملہار سڑکوں پر بھارتی فوج کی گاڑیاں معمول کے گشت پر تھیں کہ نامعلوم افراد نے دستی بموں سے حملہ کردیا۔

فوجی حکام کا کہنا ہے کہ ابتدائی حملے کے بعد فائرنگ شروع ہو گئی جس کے جواب میں فورسز نے جوابی کارروائی کی تاہم حملہ آور قریبی جنگل میں فرار ہو گئے۔علاقے میں مزید کمک بھیج دی گئی ہے اور حملہ آوروں کی تلاش کے لیے سرچ آپریشن شروع کر دیا گیا ہے۔آج کا حملہ جموں و کشمیر کے کولگام ضلع میں دو الگ الگ انکاؤنٹر میں چھ عام شہریوں اور دو فوجیوں کے مارے جانے کے 24 گھنٹے بعد ہوا ہے۔