اردو ورلڈ کینیڈا ( ویب نیوز ) ایک بار پھر غزہ شہر میں بے گھر فلسطینیوں کو فوری طور پر انخلاء کا حکم دیا گیا۔ 7 اکتوبر 2023 سے فلسطین کے محصور علاقے غزہ میں اسرائیلی جارحیت کو 9 ماہ مکمل ہوچکے ہیں لیکن اتنا وقت گزرنے کے باوجود صیہونی فوج بے گناہوں پر حملے جاری رکھے ہوئے ہے۔ غیر ملکی خبر رساں ادارے کے مطابق گزشتہ 24 گھنٹوں کے دوران اسرائیلی فوج کے حملوں میں 45 سے زائد فلسطینی شہید ہو گئے۔

خبر رساں ادارے کے مطابق اسرائیلی ٹینک 3 اطراف سے غزہ میں داخل ہوگئے ہیں جس کے بعد بے گھر فلسطینیوں کو فوری طور پر انخلاء کا حکم دیا گیا ہے۔ دوسری جانب اسرائیل نے بھی اقوام متحدہ کے امدادی ادارے کے ہیڈ کوارٹر کو حماس کا ہتھیاروں کا گودام قرار دے کر نشانہ بنایا ہے۔