69
اردو ورلڈ کینیڈا ( ویب نیوز ) غزہ میں ایک اسکول کے قریب بے گھر افراد کے کیمپ پر اسرائیلی فضائی حملے میں کم از کم 29 فلسطینی شہید اور درجنوں زخمی ہو گئے۔فلسطین کے محصور علاقے غزہ میں اسرائیلی جارحیت کو 7 اکتوبر 2023 کو 9 ماہ مکمل ہو چکے ہیں لیکن اتنا وقت گزرنے کے باوجود معصوم اور بے گناہ فلسطینیوں پر صہیونی فوج کی جارحیت جاری ہے۔
یہ بھی پڑھیں
غزہ ، بے گھر فلسطینیوں کو ایک مرتبہ پھر فوری انخلاء کا حکم ،مزید 45 فلسطینی شہید
غزہ کی وزارت صحت کا کہنا ہے کہ جنوبی غزہ میں خان یونس شہر کے مشرق میں اباسان الکبیرہ قصبے میں العودہ اسکول کے دروازے کے باہر اسرائیلی فضائی حملے میں کم از کم 29 افراد ہلاک ہو گئے۔دوسری جانب اسرائیلی فوج کا کہنا ہے کہ ہم نے حماس کے عسکری ونگ سے تعلق رکھنے والے دہشت گرد کو نشانہ بنانے کے لیے فائرنگ کی۔
