اردوورلڈ کینیڈا( ویب نیوز)انسداد دہشت گردی کی عدالت نے جناح ہاؤس، عسکری ٹاور اور شادمان تھانے کو آگ لگانے کے معاملے میں عمران خان کی عبوری ضمانت مسترد کر دی.
تفصیلات کے مطابق جناح ہاؤس، عسکری ٹاور اور شادمان پولیس اسٹیشن کے معاملے میں بانی پی ٹی آئی کی عبوری ضمانت کی درخواست پر دلائل مکمل ہونے کے بعد عدالت نے ہفتے کے روز اپنا فیصلہ محفوظ کر لیا تھا.
سرکاری وکیل نے دلائل میں عمران خان کو عبوری ضمانت دینے کی مخالفت کی تھی.
انسداد دہشت گردی عدالت کے جج خالد ارشد نے تینوں مقدمات میں پی ٹی آئی کے بانی کی عبوری ضمانت کو مسترد کر دیا.
عمران خان کے وکیل نے عدالت سے استدعا کی تھی کہ سیاسی انتقام کا نشانہ بنانے کے لیے مقدمات درج کیے جائیں گے، اس لیے ضمانت دی جانی چاہیے.
واضح رہے کہ پولیس اسٹیشن سرور روڈ، گلبرگ اور شادمان پولیس اسٹیشن نے پی ٹی آئی کے بانی چیئرمین کے خلاف مقدمات درج کرائے ہیں.