اردوورلڈ کینیڈا( ویب نیوز)وزیر اعلیٰ پنجاب مریم نواز شریف نے یوم آزادی سے سولر پینلز کی تقسیم شروع کرنے کا فیصلہ کیا ہے۔
200 یونٹ تک استعمال کرنے والے افراد 14 اگست سے مفت سولر پینل حاصل کر سکیں گے، 200 اور 500 سے زائد یونٹ استعمال کرنے والے افراد کو 10 فیصد معاوضے کی ادائیگی پر سولر پینل ملیں گے۔
اسی طرح پنجاب حکومت 500 یونٹ تک بجلی استعمال کرنے والے افراد کو سولر پینل کی فراہمی کی رقم کا 90 فیصد ادا کرے گی اور بلاسود ادائیگی پانچ سال میں کرنا ہو گی،
پنجاب حکومت نے سولر پینلز کی فراہمی کی سکیم کی تمام تفصیلات طے کر لیں، سولر پینلز کی فراہمی سے عوام کے بجلی کے بل میں 40 فیصد کمی ہو جائے گی۔
اس حوالے سے وزیر اعلیٰ پنجاب مریم نواز شریف نے کہا ہے کہ میرا مشن عوام کو ریلیف دینا ہے، مشکل حالات ہیں لیکن ہم عوام کے ساتھ ہیں اور رہیں گے۔