اردو ورلڈ کینیڈا ( ویب نیوز )امریکی محکمہ خارجہ کے ترجمان میتھیو ملر نے پریس بریفنگ کے دوران ‘پی ٹی آئی پر ممکنہ پابندی سے متعلق سوال کا جواب دیتے ہوئے تحریک انصاف پر پابندی کے حکومتی فیصلے پر تشویش کا اظہار کیا ہے۔ میتھیو ملر نے کہا کہ سیاسی جماعت پر پابندی سے متعلق حکومتی بیانات کو دیکھ کر ایسا لگتا ہے کہ یہ ایک پیچیدہ سیاسی عمل کا آغاز ہے تاہم امریکا اندرونی عمل اور فیصلوں کی نگرانی کرے گا۔

میتھیو ملر نے مزید کہا کہ کسی بھی سیاسی جماعت پر پابندی تشویش کا باعث ہے کیونکہ یہ اقدام انسانی حقوق، اظہار رائے کی آزادی، آئینی اور جمہوری اصولوں کی پرامن پابندی کے خلاف ہے۔محکمہ خارجہ کے ترجمان نے کہا کہ امریکہ نے ہمیشہ جمہوری عمل اور قانون کی حکمرانی سمیت انصاف کے وسیع تر اصولوں اور اقدامات کی حمایت کی ہے۔