اردو ورلڈ کینیڈا ( ویب نیوز ) فغانستان میں شدید بارشوں کے بعد آنے والے سیلاب کے باعث 40 افراد جاں بحق اور 300 سے زائد زخمی ہوگئے۔افغانستان کے صوبہ نگر ہار کے مختلف اضلاع اس وقت سیلابی صورتحال کا سامنا کر رہے ہیں۔محکمہ صحت کے مطابق 40 افراد جاں بحق اور 350 زخمی ہوئے ہیں جنہیں طبی امداد دی جارہی ہے۔ بچوں کے حقوق کے لیے کام کرنے والی تنظیم سیو دی چلڈرن کے مطابق سیلاب کی وجہ سے تقریباً 1500 بچے اب بھی لاپتہ ہیں یا اپنے خاندانوں سے بچھڑ گئے ہیں۔ افغان میڈیا کے مطابق سیلاب سے لوگوں کی املاک اور مویشیوں کو بھی نقصان پہنچا ہے جب کہ کچھ دیہات مکمل طور پر زیرآب آگئے ہیں۔