اردو ورلڈ کینیڈا ( ویب نیوز )مظاہرین نے ڈبل ڈیکر بس کو آگ لگا دی، پولیس کی گاڑی الٹ دی اور پولیس پر اشیاء پھینک دیں، جب کہ واقعات میں کسی کے زخمی یا ہلاک ہونے کی اطلاع نہیں ملی ،لیڈز شہر میں فسادات میں ملوث کئی افراد کو گرفتار کر لیا گیا۔برطانوی میڈیا کے مطابق مقامی لوگوں کا کہنا ہے کہ 2 روز قبل لیڈز میں ایک مقامی تنظیم اور بچوں کے درمیان جھگڑے کے بعد پولیس اور سماجی نگہداشت کے اہلکار وہاں پہنچے اور بچوں سمیت دیگر افراد کو حراست میں لے کر محفوظ مقام پر منتقل کر دیا جس کے بعد فسادات شروع ہو گئے ۔
برطانوی میڈیا کے مطابق حکام نے ایک خاندان کے بچوں کو سماجی نگہداشت میں منتقل کیا جس سے ہنگامہ برپا ہوا لیکن بعد میں تصدیق کی کہ یہ خاندانی معاملہ تھا۔رپورٹ کے مطابق ہیری ہلز میں جمع ہونے والے مظاہرین نے ڈبل ڈیکر بس کو آگ لگا دی، پولیس کی گاڑی الٹ دی اور پولیس پر اشیاء پھینک دیں تاہم اب تک ان واقعات میں کوئی زخمی یا ہلاک نہیں ہوا. اطلاع نہیں۔برطانوی وزیر اعظم سر کیر سٹارمر نے فسادات کی مذمت کی ہے جبکہ ہوم سیکرٹری یوویٹ کوپر نے کہا ہے کہ فسادیوں سے قانون کی پوری طاقت سے نمٹا جائے گا۔
