اردو ورلڈ کینیڈا ( ویب نیوز ) ریپبلکن پارٹی کی جانب سے سابق امریکی صدر ڈونلڈ ٹرمپ کو صدارتی امیدوار نامزد کیا گیا ہے جب کہ کملا ہیرس کو ڈیموکریٹس کی جانب سے صدارتی امیدوار کے لیے مطلوبہ حمایت بھی حاصل ہے۔امریکی میڈیا کے مطابق کملا ہیرس اور ڈونلڈ ٹرمپ کے درمیان سخت مقابلے کی توقع ہے اور ایک حالیہ سروے کے مطابق کملا ہیرس کو ڈونلڈ ٹرمپ پر معمولی برتری حاصل ہے جب کہ ڈونلڈ ٹرمپ کا کہنا ہے کہ ان کے لیے شکست دینا ناممکن ہے۔
میڈیا رپورٹس کے مطابق براک اوباما کا خیال ہے کہ ان کی پارٹی ممکنہ ڈیموکریٹک صدارتی امیدوار کملا ہیرس ڈونلڈ ٹرمپ کو ہرا نہیں سکتی، اسی لیے انہوں نے ابھی تک کملا ہیرس کی حمایت کا اعلان نہیں کیا۔دوسری جانب ذرائع نے جیو نیوز کو بتایا ہے کہ بارک اوباما جلد ہی کملا ہیرس کے نام کی توثیق کریں گے اور ممکنہ طور پر کملا ہیرس کی انتخابی مہم میں حصہ لیں گے۔یاد رہے کہ اس سے قبل بھی جیو نیوز نے امریکی اور برطانوی خبر رساں اداروں کے سامنے امریکی صدر جو بائیڈن کے صدارتی انتخاب سے دستبرداری کی خبر دی تھی جو بعد میں درست ثابت ہوئی۔