اردوورلڈ کینیڈا( ویب نیوز)وزیر اعلیٰ پنجاب مریم نواز شریف کی زیر صدارت خصوصی اجلاس ہوا جس میں مختلف شہروں میں نئی ​​راہداریوں کی تعمیر کی منظوری دی گئی۔
اجلاس میں فیصلہ کیا گیا کہ ساہیوال سے چیچہ وطنی تک دو رویہ سڑک بنائی جائے گی، رجانہ سے لیہ تک، دیپالپور سے وہاڑی تک سنگل روڈ کو دو رویہ جبکہ نئی دو رویہ سڑک بنائی جائے گی۔ شور کوٹ سے جھنگ چراگوالی تک سڑک بنائی جائے گی۔
تینوں منصوبے 210 ارب روپے کی لاگت سے دسمبر 2025 تک مکمل ہوں گے۔
وزیراعلیٰ مریم نواز شریف نے نئی راہداری پر تین ماہ میں تعمیر شروع کرنے کا حکم دے دیا، تینوں کوریڈور ایشیائی ترقیاتی بینک اور پنجاب حکومت کے تعاون سے مکمل ہوں گے۔
مریم نواز نے کہا کہ بڑے شہروں کو ملانے والی سڑکوں کی راہداری سے لوگوں کا سفر آسان ہو جائے گا، روڈ کوریڈور منصوبہ نہ صرف سفری مسائل میں کمی لائے گا بلکہ معاشی ترقی میں بھی اہم کردار ادا کرے گا۔