130
اردو ورلڈ کینیڈا ( ویب نیوز ) اسرائیلی میڈیا نے حماس کے رہنما اسماعیل ہنیہ کی شہادت کا دعویٰ کیا ہے۔اسرائیلی میڈیا کا دعویٰ ہے کہ اسرائیلی وقت کے مطابق صبح 2 بجے کے قریب تہران کے قلب میں ایک میزائل داغا گیا اور اس نے اس مقام کو نشانہ بنایا جہاں ہنیہ اپنے محافظ کے ساتھ موجود تھی۔اسرائیلی میڈیا کا کہنا ہے کہ اسماعیل ہنیہ ایران کے شمال میں ایک عمارت میں رہتے تھے اور وہ جس عمارت میں رہتے تھے اسے ایرانی پاسداران انقلاب کے گیسٹ ہاؤس کے طور پر استعمال کیا جاتا تھا۔
دوسری جانب اسرائیلی فوج نے حماس کے سیاسی رہنما کی ہلاکت پر تبصرہ کرنے سے انکار کردیا۔امریکی ٹی وی کی رپورٹ کے مطابق اسرائیلی فوج کا کہنا ہے کہ وہ غیر ملکی میڈیا کی رپورٹس کا جواب نہیں دیتی جب کہ وائٹ ہاؤس کے ترجمان نے بھی فوری طور پر تبصرہ کرنے سے انکار کردیا۔
