اردوورلڈ کینیڈا( ویب نیوز)پاکستان تحریک انصاف نے آئندہ 15 روز میں نیا سیاسی اتحاد بنانے کا اعلان کر دیا، بانی پی ٹی آئی نے حماس رہنما اسماعیل ہانیہ شہادت پر اظہار افسوس اور مذمت کی ہے۔
اڈیالہ جیل میں پی ٹی آئی کے بانی سے ملاقات کے بعد میڈیا سے گفتگو کرتے ہوئے سابق سپیکر قومی اسمبلی اسد قیصر کا کہنا تھا کہ ہم ایک بڑا سیاسی اتحاد کرنے جا رہے ہیں، آئندہ 15 روز میں بڑا الائنس کریں گے ان تمام جماعتوں کو ساتھ لے کر چلیں جو لوگ اس حکومت کے خلاف ہیں اگلے دو ہفتوں میں ایک بڑا اتحاد بنائیں گے۔
انہوں نے کہا کہ پی ٹی آئی کے بانی کو غیر قانونی طور پر جیل میں رکھا گیا، ہم نے تحریک انصاف کے بانی سمیت تمام قیدیوں کے لیے آواز اٹھانی ہے، پورے ملک کے عوام کو جلسے میں آنا چاہیے تاکہ ہم بتا سکیں کہ یہ ملک کس طرح آئین کے مطابق چلتا ہے۔
ان کا مزید کہنا تھا کہ وہ جماعت اسلامی کے دھرنے کی حمایت کرتے ہیں۔