اردو ورلڈ کینیڈا ( ویب نیو ز ) مستعفی ہو کر بھارت جانے والی بنگلہ دیشی وزیراعظم شیخ حسینہ واجد کی مشکلات میں مزید اضافہ، برطانیہ نے سیاسی پناہ دینے سے انکار کر دیا۔بھارتی میڈیا کے مطابق شیخ حسینہ واجد کا بھارت پہنچنے کے بعد اگلا پڑائو لندن تھا جہاں انہوں نے سیاسی پناہ کی درخواست دی ہوتی یا پھر فن لینڈ ان کی اگلی منزل ہوتی۔ بھارتی میڈیا نے دعوی کیا ہے کہ نومنتخب برطانوی وزیراعظم نے ملکی پالیسی کی وجہ سے برطانیہ پہنچ کر سیاسی پناہ لینے سے معذرت کر لی ہے۔ واضح رہے کہ نئی پالیسی کے تحت سیاسی پناہ کے متلاشیوں کو عارضی طور پر برطانیہ کے بجائے کسی دوسرے ملک میں رہنا ہوگا، جہاں ان کے رویے اور سیاسی پناہ کے مقاصد کا جائزہ لیا جاتا ہے اور پھر انہیں سیاسی پناہ دی جاتی ہے، جس کی وجہ سے برطانیہ نے حسینہ واجد کو پناہ دینے سے انکار کر دیا ہے واضح رہے بھارتی میڈیا نے یہ بھی دعوی کیا ہے کہ امریکا نے شیخ حسینہ واجد کا ویزا بھی منسوخ کردیا ہے تاہم امریکا کی جانب سے اس حوالے سے کوئی بیان سامنے نہیں آیا۔