اردوورلڈ کینیڈا( ویب نیوز)الیکشن کمیشن نے اعلان کیا ہے کہ وفاقی دارالحکومت اسلام آباد میں بلدیاتی انتخابات 29 ستمبر کو ہوں گے۔
الیکشن کمیشن نے اسلام آباد میں بلدیاتی انتخابات کا شیڈول بھی جاری کر دیا ہے جب کہ اسلام آباد میں کسی بھی نئی سکیم کے اعلان پر پابندی عائد کر دی گئی ہے۔
الیکشن کمیشن کے مطابق امیدوار 16 سے 20 اگست تک کاغذات نامزدگی جمع کرا سکیں گے اور 22 سے 26 اگست تک کاغذات نامزدگی کی جانچ پڑتال کی جائے گی۔
واضح رہے کہ اسلام آباد میں بلدیاتی حکومت کی 5 سالہ مدت فروری 2021 میں مکمل ہوئی تھی اور قانون کے مطابق انتخابات 3 ماہ میں ہونا تھے۔