اردو ورلڈ کینیڈا ( ویب نیوز ) غزہ میں اسرائیلی مظالم کے خلاف دنیا بھر میں مظاہرے، لوگ تل ابیب میں سڑکوں پر نکل آئے۔اسرائیل کے مظالم کے خلاف اسرائیل کے دارالحکومت تل ابیب سمیت پوری دنیا میں مظاہرے کیے جا رہے ہیں۔ فرانس کے دارالحکومت پیرس میں فلسطینی پرچم تھامے مظاہرین نے اسرائیل کے بائیکاٹ کا مطالبہ کیا۔
دوسری جانب سویڈن میں فلسطین کی حمایت میں ریلی نکالی گئی، شرکاء نے فلسطین کی حمایت میں نعرے لگائے اور لندن میں بڑی تعداد میں لوگوں نے ساحل سمندر پر فلسطینی پرچم اٹھا رکھے تھے اور غزہ میں شہید ہونے والوں کو یاد کیا۔ مقبوضہ مغربی کنارے کے شہر رام اللہ میں بھی سینکڑوں افراد نے اسرائیل کے وحشیانہ حملوں کے خلاف احتجاجی ریلی نکالی۔دوسری جانب تل ابیب میں سینکڑوں افراد اسرائیلی حکومت کے خلاف سڑکوں پر نکل آئے اور نیتن یاہو سے مستعفی ہونے اور یرغمالیوں کی رہائی کے لیے معاہدہ کرنے کا مطالبہ کیا۔
