اردوورلڈ کینیڈا( ویب نیوز)پاکستان شوبز انڈسٹری کی معروف اداکارہ لائبہ خان نے انکشاف کیا ہے کہ انہوں نے 9 سال کی عمر میں قرآن پاک حفظ کرلیا تھا۔
اداکارہ لائبہ خان کا ایک انٹرویو کلپ سوشل میڈیا پر وائرل ہو رہا ہے جس میں انہوں نے انکشاف کیا ہے کہ وہ حافظ قرآن ہیں، والدین کی خواہش پر 7 سال کی عمر میں حفظ کرنا شروع کیا اور 9 سال کی عمر میں مکمل کیا۔
لائبہ کا کہنا تھا کہ میں بچپن میں حفظ نہیں کرنا چاہتی تھی لیکن میں نے اپنی والدہ کی خواہش پر اسے حفظ کیا اور جب میں نے قرآن پاک پڑھنا شروع کیا تو میں بہت متاثر ہوئی کیونکہ میرا حافظہ بہت اچھا ہے اس لیے میں نے 2 سال میں حفظ مکمل کرلیا۔
شوبز میں آنے کے بارے میں ان کا کہنا تھا کہ میٹرک کے بعد میں اپنی چھوٹی بہن کے ساتھ اداکارہ ایمان کے ڈرامے کے سیٹ پر گئی، اسی سیٹ پر کاسٹنگ ہیڈ نے مجھے اداکاری کی پیشکش کی جسے میں نے پہلے انکار کر دیا۔ لیکن پھر اس دوران میں نے اداکاری شروع کر دی۔
74
