اردو ورلڈ کینیڈا ( ویب نیوز)لبنان کے واحد بین الاقوامی ہوائی اڈے پر درجنوں مسافروں نے اپنی پروازوں کا بے چینی سے انتظار کیا، لیکن زیادہ تر پروازیں منسوخ کر دی گئی ہیں۔غیر ملکی میڈیا کے مطابق بیروت بین الاقوامی ہوائی اڈہ اسرائیل اور حزب اللہ کے درمیان سرحد پار جھڑپوں میں اضافے کے بعد کام کر رہا تھا لیکن بڑی ایئر لائنز کی جانب سے پروازیں معطل کرنے کے اعلان کے بعد بہت سے مسافر پھنسے ہوئے تھے۔
اردن کے راستے امریکہ جانے والے مسافر الہام شاکر نے بتایا کہ ہم مقامی وقت کے مطابق صبح 4:30 بجے اپنی پرواز کے لیے پہنچے، لیکن انھوں نے ہمیں بتایا کہ پرواز منسوخ کر دی گئی ہے۔اسرائیل نے کل لبنان میں فضائی حملے کیے اور کہا کہ اس نے حزب اللہ کے بڑے پیمانے پر حملے کو ناکام بنا دیا ہے۔جبکہ لبنانی گروپ نے گزشتہ ماہ اسرائیلی حملے میں ایک اعلیٰ کمانڈر فواد شکر کی ہلاکت کا بدلہ لینے کے لیے سرحد پار حملوں کا اعلان کیا تھا۔
