اردوورلڈ کینیڈا( ویب نیوز)بالی ووڈ کی نئی بلاک بسٹر فلم ‘استری 2’ کی ہیروئن شردھا کپور بہت جلد سپر اسٹار ہریتھک روشن کے گھر منتقل ہونے والی ہیں۔
شردھا کپور نے اپنی حالیہ فلم ‘ا ستری 2’ کی ریکارڈ توڑ کامیابی کی وجہ سے باکس آفس اور شوبز کی دنیا میں طوفان برپا کر دیا ہے۔
اس فلم کی غیر معمولی کامیابی نے جہاں شردھا کپور کو ان کی پیشہ ورانہ زندگی میں پروان چڑھایا ہے وہیں اب اداکارہ نے اپنی ذاتی زندگی میں بھی کچھ تبدیلیاں کرتے ہوئے آگے بڑھنے کا فیصلہ کیا ہے۔
بھارتی میڈیا کے مطابق شردھا کپور بہت جلد اکشے کمار کی نئی پڑوسی بننے والی ہیں، اداکارہ ممبئی کے شہر جوہو میں ہریتھک روشن کے اپارٹمنٹ میں رہائش پذیر ہیں۔
دلچسپ بات یہ ہے کہ اکشے کمار بھی اپنی بیوی ٹوئنکل کھنہ اور اپنے بچوں کے ساتھ اسی عمارت میں ایک پرتعیش ڈوپلیکس اپارٹمنٹ میں رہتے ہیں۔
اس سے قبل یہ خبر سامنے آئی تھی کہ بالی ووڈ اداکار ورون دھون اپنی اہلیہ نتاشا دلال اور بیٹی کے ساتھ ہریتک روشن کے اپارٹمنٹ میں منتقل ہوں گے لیکن ایسا ممکن نہیں ہو سکا۔
واضح رہے کہ 15 اگست کو ریلیز ہونے والی فلم ‘استری 2’ نے دنیا بھر کے باکس آفس پر 589 کروڑ روپے کما لیے ہیں جب کہ فلم کی کمائی کا سلسلہ تاحال جاری ہے۔