اردو ورلڈ کینیڈا ( ویب نیوز ) نیپال میں منعقد ہونے والی سیف ویمنز فٹ بال چیمپئن شپ کے ڈراز کا اعلان کر دیا گیا ،چیمپئن شپ اگلے مہینے منعقد کی جائے گی ،چیمپئن شپ کے لیے پاکستان، بھارت اور بنگلہ دیش ایک ہی گروپ میں شامل ہیں۔. یہ ایونٹ نیپال میں 17 سے 30 اکتوبر تک کھیلا جائے گا۔پاکستان اپنی مہم کا آغاز 17 اکتوبر کو بھارت کے خلاف میچ سے کرے گا جبکہ 20 اکتوبر کو پاکستان اور بنگلہ دیش آمنے سامنے ہوں گے۔. بنگلہ دیش ٹورنامنٹ میں اپنے ٹائٹل کا دفاع کرے گا۔ایونٹ میں شرکت کرنے والی 7 ٹیموں کو 2 گروپس میں تقسیم کیا گیا ہے جہاں گروپ اے میں پاکستان، بھارت اور بنگلہ دیش شامل ہیں جبکہ گروپ بی میں نیپال، سری لنکا، مالدیپ اور بھوٹان شامل ہیں۔دونوں گروپوں کی ٹاپ 2 ٹیمیں 27 اکتوبر کو سیمی فائنل میں مدمقابل ہوں گی جبکہ ایونٹ کا فائنل 30 اکتوبر کو کھیلا جائے گا۔
50
