اردوورلڈ کینیڈا( ویب نیوز)سپریم کورٹ نے نیشنل پارک کے علاقے میں واقع مونال ریسٹورنٹ کو ہٹانے کے فیصلے کو برقرار رکھا اور نظرثانی کی درخواستوں کو خارج کردیا۔
سپریم کورٹ نے نیشنل پارک کے علاقے میں تجارتی سرگرمیوں سے متعلق نظرثانی درخواستوں پر فیصلہ سنایا۔۔
سپریم کورٹ نے لیز کے وقت مونال سمیت دیگر ریسٹورنٹس کو ترجیح دینے کا آبزرویشن بھی واپس لے لیا ہے۔
فیصلے میں کہا گیا کہ مونال ریسٹورنٹ، لا مونٹانا اور دیگر ریسٹورنٹس نے رضاکارانہ طور پر تین ماہ میں ریسٹورنٹ بند کرنے کی یقین دہانی کرائی تھی، اس لیے یقین دہانی کے باوجود نظرثانی دائر کرنا عدالت کا مذاق اڑانا ہے۔ یقین دہانی کے بعد نظرثانی دائر کرنا توہین ہے۔
سپریم کورٹ نے سی ڈی اے سے کہا تھا کہ دیگر علاقوں میں ان ریسٹورنٹس کو ترجیحی بنیادوں پر لیز پر دیا جائے، عدالت نے قرار دیا تھا کہ نیشنل پارک ایریا میں موجود ریسٹورنٹس کو دوسری جگہوں کے ریسٹورنٹس کی لیز میں ترجیح دی جائے۔
فیصلے میں واضح کیا گیا کہ سپریم کورٹ لیز کے عمل میں اپنا ترجیحی فیصلہ حذف کرتی ہے اس لیے سپریم کورٹ کے فیصلے پر عمل کیا جائے۔
56
