اردوورلڈ کینیڈا( ویب نیوز)قومی اسمبلی کا اجلاس جس میں ججز کی تعداد بڑھانے کا بل پیش کیا جائے گا۔اسمبلی کا اجلاس سپیکر سردار ایاز صادق کی زیر صدارت شروع ہوا۔ 23 نکاتی ایجنڈا جاری کر دیا گیا ہے۔ سپریم کورٹ کے ججوں کی تعداد 17 سے بڑھا کر 23 کرنے کا بل ایک بار پھر ایجنڈے پر ہے۔
مسلم لیگ ن کے بیرسٹر دانیال چوہدری بل ایوان میں پیش کریں گے۔ سپریم کورٹ کے ججوں کی تعداد بڑھانے کا بل گزشتہ ہفتے موخر کر دیا گیا تھا۔
ایجنڈے میں قومی اسمبلی میں آئینی ترامیم پیش کرنے کے حوالے سے اسمبلی رولز میں ترامیم بھی شامل ہیں۔ پیپلز پارٹی کے سید نوید قمر قومی اسمبلی رولز 119 میں ترمیم کو منظوری کے لیے ایوان میں پیش کریں گے۔
ارکان کی کل تعداد کا ایک چوتھائی آئینی ترامیم پیش کرنے کی اجازت کے لیے اپنی نشستوں پر کھڑے ہوں گے۔