اردوورلڈ کینیڈا( ویب نیوز)قومی خزانے پر بڑھتا ہوا بوجھ کم کرنے کے لیے حکومت نے پنشن کی مدت 10 سال کر دی۔وزارت خزانہ کی جانب سے جاری نوٹیفکیشن کے مطابق خصوصی فیملی پنشن کی مدت 25 سال اور قبل از وقت ریٹائرمنٹ پر جرمانہ ہوگا، وفاقی حکومت نے ریٹائرڈ ملازمین کی وفات کے بعد فیملی پنشن کی مدت 10 سال مقرر کی ہے۔
وزارت خزانہ کے مطابق فوت ہونے والے ریٹائرڈ ملازم کی فیملی پنشن کا حقدار معذور بچہ تاحیات فیملی پنشن حاصل کرے گا، رضاکارانہ ریٹائرمنٹ کے لیے 25 سال کی سروس لازمی ہوگی جب کہ قبل از وقت ریٹائرمنٹ لینے والے ملازمین کی پنشن میں تین فیصد کمی کی جائے گی۔
نوٹیفکیشن میں مزید کہا گیا ہے کہ پنشن میں نظر ثانی پے اینڈ پنشن کمیشن 2020 کی سفارشات پر کی گئی ہے، مسلح افواج اور سول آرمڈ فورسز کے لیے فیملی پنشن میں بھی 50 فیصد تک اضافہ کیا گیا ہے