جمہوریت پاکستان کی ترقی اور عوام کی خوشحالی کے لیے ناگزیر ہے،مریم نواز

19

اردوورلڈ کینیڈا( ویب نیوز)وزیر اعلیٰ پنجاب مریم نواز شریف نے کہا ہے کہ جمہوریت پاکستان کی ترقی اور عوام کی خوشحالی کے لیے ناگزیر ہے۔
مریم نواز نے جمہوریت کے عالمی دن کے موقع پر اپنے پیغام میں کہا کہ جمہوریت زندہ باد، پاکستان پائندہ آباد، جمہوریت کے تحفظ کے لیے محمد نواز شریف سمیت تمام جمہوریت پسند رہنماؤں کی قربانیوں کو خراج تحسین پیش کرتی ہوں۔ پاکستان کو ترقی کی راہ پر گامزن کرنا۔
انہوں نے کہا کہ جمہوریت پاکستان کی ترقی اور عوام کی خوشحالی کے لیے ناگزیر ہے، معاشی اور سیاسی استحکام مضبوط جمہوریت سے ہی ممکن ہے۔
وزیراعلیٰ نے کہا کہ جمہوریت عوام کو اپنے نمائندوں کے ذریعے اپنے فیصلے خود کرنے کا اختیار دیتی ہے، جمہوریت کے استحکام سے ملک میں ترقی اور خوشحالی آتی ہے، جمہوریت کا نظام آگے بڑھنے کا راستہ دکھاتا ہے، جمہوریت سماجی انصاف اور عوامی فلاح کی ضمانت دیتی ہے۔