اردوورلڈ کینیڈا( ویب نیوز)وینکوور کے اسٹینلے پارک میں 1,60,000 درختوں کو ہٹانے کے ایک متنازعہ منصوبے کی لاگت آسمان کو چھونے لگی ہے۔ ایک خفیہ میٹنگ میں، وینکوور سٹی کونسل نے اس منصوبے کے لیے $11.1 ملین کے بجٹ میں اضافے کی منظوری دی۔ وینکوور پارک بورڈ کا کہنا ہے کہ اسٹینلے پارک میں کاٹے جانے والے درخت آگ اور حفاظت کے لیے خطرہ ہیں اور انہیں ہٹایا جانا چاہیے۔ لیکن اب یہ بات سامنے آئی ہے کہ اس منصوبے کی اصل لاگت اس سے کہیں زیادہ ہے۔
میڈیا رپورٹس کے مطابق کونسل نے مئی میں ایک خفیہ قرارداد میں اس منصوبے کے لیے 11.1 ملین ڈالر کے اضافے کی منظوری دی تھی۔ یہ رقم پچھلے سال 1.9 ملین ڈالر اور اس سال جنوری میں 4.9 ملین ڈالر کی عوامی منظوری سے زیادہ ہے۔ اس اضافے سے منصوبے کی کل لاگت تقریباً 18 ملین ڈالر تک پہنچ جاتی ہے۔
سیو سٹینلے پارک گروپ کے رکن مائیکل کیڈٹز نے درختوں کو ہٹانے کے منصوبے کے خلاف سٹی آف وینکوور کے خلاف مقدمہ دائر کیا ہے۔ انہوں نے کہا کہ ہمیں اب معلوم ہوا ہے کہ ایک خفیہ فیصلہ کیا جا رہا ہے جس کا ہمیں علم نہیں ہے، اب یہ صرف فنڈز کی غلط تقسیم کا معاملہ نہیں ہے، بہت سی چیزیں غلط طریقے سے کی جا رہی ہیں۔
جب پوچھا گیا کہ اضافہ کو خفیہ کیوں رکھا گیا تو وینکوور کے میئر کین سم نے کہایہ پہلا موقع ہے جب میں اس کے بارے میں سن رہا ہوں، اس لیے ہم ضروری معلومات آپ کے ساتھ شیئر کریں گے۔
یہ معاملہ عام ہونے کے بعد اپوزیشن لیڈروں اور پارک سے محبت کرنے والوں کی جانب سے اس پروجیکٹ پر مزید سوالات اٹھنے لگے ہیں ۔
