اردو ورلڈ کینیڈا ( ویب نیوز ) معاشی بحران کے بعد سری لنکا پہلے صدارتی انتخابات کے لیے پولنگ کا عمل مکمل ہو گیا ، ووٹوں کی گنتی جاری ، کرفیو نافذ کر دیا گیا ۔غیر ملکی میڈیا رپورٹس کے مطابق سری لنکا میں 21 ستمبر بروز ہفتہ صدارتی انتخابات کے لیے پولنگ ہوئی اور شام 5 بجے تک ہزاروں ووٹرز نے ووٹ کا حق استعمال کیا۔ الیکشن کے دوران سیکیورٹی کو یقینی بنانے کے لیے فوج سمیت 63 ہزار سے زائد پولیس اہلکار تعینات کیے گئے تھے۔ ووٹنگ کا عمل مکمل ہونے کے بعد سری لنکا میں ووٹوں کی گنتی کے دوران امن و امان کو یقینی بنانے کے لیے 8 گھنٹے کے لیے کرفیو نافذ کر دیا گیا۔

واضح رہے کہ صدارتی انتخابات کے لیے 38 امیدوار میدان میں ہیں، جس میں صدر رانیل وکرماسنگھے، اپوزیشن لیڈر سجاتھ پریم داسا اور بائیں بازو کی رہنما انورا کمارا ڈسانائیکے کے درمیان سخت مقابلہ متوقع ہے۔لنکن میڈیا کے مطابق ووٹنگ کا عمل مکمل ہونے کے بعد ووٹوں کی گنتی جاری ہے، صدارتی انتخاب کے نتائج کا اعلان آج متوقع ہے۔ دوسرا مرحلہ ہوگا۔