اردوورلڈ کینیڈا( ویب نیوز)معروف پاکستانی اداکارہ وینا ملک کی زندگی میں ایک نئے ‘مسٹری مین کی انٹری کی خبریں گردش کرنے لگیں۔
سوشل میڈیا کے مختلف پیچ نے دعویٰ کیا ہے کہ پاکستانی اداکارہ اور میزبان وینا ملک ایک بار پھر محبت میں گرفتار ہو گئی ہیں، اداکارہ کی مختلف انسٹا کہانیوں کے اسکرین شارٹس سوشل میڈیا پلیٹ فارمز پر وائرل ہیں۔
وائرل سکرین شارٹس میں اداکارہ نے ‘ایم شہریار 01’ نامی مخصوص ٹک ٹاک اکاؤنٹ اور ‘شہریار چوہدر ی نامی انسٹاگرام اکاؤنٹ سے مختلف ویڈیوز دوبارہ شیئر کی ہیں۔
ویڈیوز اور انسٹا کی کہانیوں کے ساتھ ریڈ ہارٹ ایموجیز اور مختلف تبصرے ہیں جو اس بات کی نشاندہی کرتے ہیں کہ اداکارہ کی زندگی میں ایک بار پھر کوئی خاص شخص ہے۔
اس حوالے سے اداکارہ نے خود بھی کچھ واضح نہیں کیا اور نہ ہی اداکارہ نے مذکورہ شخص کا چہرہ دکھایا۔
واضح رہے کہ یہ پہلا موقع نہیں جب اداکارہ نے کسی خاص رشتے کا عندیہ دیا ہو بلکہ ان کے مختلف افیئرز میڈیا کی توجہ حاصل کرنے میں کامیاب ہوتے رہے ہیں۔
انہوں نے 2010 میں بھارتی رئیلٹی شو ‘بگ باس سیزن 4’ میں حصہ لیا تھا جہاں وہ اداکار اشمیت پٹیل کے ساتھ رشتے میں تھیں جسے میڈیا میں بھی کافی جگہ دی گئی تھی۔
اس کے علاوہ اداکارہ کا نام پاکستانی اداکار ببرک کے ساتھ بھی جوڑا گیا، ان کی محبت سرخیوں کا حصہ رہی لیکن ببرک سے ان کی محبت شادی نہ ہوسکی
واضح رہے کہ اداکارہ وینا ملک نے 25 دسمبر 2013 کو دبئی کے بزنس مین اسد بشیر خان خٹک سے شادی کی تھی جو 2017 میں صرف 4 سال بعد طلاق پر ختم ہوئی۔
31
