اردوورلڈ کینیڈا( ویب نیوز) حزب اللہ کے ساتھ جھڑپوں میں 17 اسرائیلی فوجی مارے گئے، جب کہ 20 گھنٹوں کے دوران لبنان پر اسرائیل کے حملوں میں 37 شہری شہید ہوئے۔
لبنان کی وزارت تعمیرات عامہ اور ٹرانسپورٹ کے ذرائع کے مطابق اسرائیل نے جمعہ کی صبح بیروت کے بین الاقوامی ہوائی اڈے پر حملہ کیا، جب کہ لبنان کی وزارت صحت نے ایک بیان میں کہا کہ گزشتہ 20 گھنٹوں کے دوران لبنان پر اسرائیلی حملوں میں 37 افراد ہلاک اور 151 زخمی ہوئے۔
حزب اللہ کے مطابق کفر کلا قصبے میں فاطمہ بارڈر کراسنگ کے قریب لبنانی علاقوں میں دراندازی کی کوشش کو پسپا کر دیا گیا۔. اسرائیلی فوج کے پریس آفس کی جانب سے جاری کردہ ایک بیان میں کہا گیا ہے کہ جنوبی لبنان میں زمینی آپریشن کے ابتدائی دنوں میں اس کی افواج کو مسلسل نقصان اٹھانا پڑ رہا ہے۔