اردوورلڈ کینیڈا( ویب نیوز)آئی پی پیز کی جانب سے بجلی کی مہنگی پیداوار کے معاملے پر وزیراعظم کی جانب سے قائم کردہ ٹاسک فورس نے آئی پی پیز کے ساتھ مذاکرات میں بڑی پیش رفت کی ہے جبکہ پانچ آئی پی پیز کو بند کرنے کی سفارش کی ہے۔.
ذرائع سے موصول ہونے والی معلومات کے مطابق آئی پی پیز کے ساتھ بات چیت کے بعد ٹاسک فورس نے 2400 میگاواٹ کی صلاحیت والی 5 جنریٹنگ کمپنیوں کو بند کرنے کی تجویز پیش کی ہے جبکہ ذرائع کا کہنا ہے کہ 1200 میگاواٹ سے زیادہ صلاحیت رکھنے والے آئی پیز کو بند کرنے کی بھی سفارش کی جاتی ہے۔.
بند کیے جانے والے پلانٹس میں 362 میگاواٹ اے ای ایس لال، 224 میگاواٹ اٹلس پاور اور 136 میگاواٹ صبا پاور شامل ہیں، اس کے علاوہ 450 میگاواٹ کے روش پلانٹ کو بند کرنے کا منصوبہ ہے۔.
مذکورہ آئی پی پیز کے ساتھ معاہدوں کو ختم کرنے کی منظوری وفاقی کابینہ سے لی جائے گی۔.
دوسری جانب حکومت کو آئی پی پیز کے خلاف تحقیقات میں بھی مزاحمت کا سامنا ہے ذرائع کے مطابق ٹاسک فورس نے کئی آئی پی پیز کے منافع کے حوالے سے غلط بیانی کی ہے جس میں انہوں نے 15 فیصد کمائی کا دعویٰ کیا ہے جبکہ منافع اب بڑھ کر 20 سے زیادہ گناہ ہو گیا ہے۔.
ذرائع نے بتایا کہ ٹاسک فورس کے متحرک ہونے اور تحقیقات کے بعد آئی پی پیز نے حکومت کے ساتھ تعاون کی یقین دہانی کرائی ہے۔.
22
