مقبوضہ جموں و کشمیر کے وزیر اعلیٰ عمر عبداللہ آج حلف اٹھائینگے

1

اردو ورلڈ کینیڈا ( ویب نیوز ) مقبوضہ جموں و کشمیر میں انتخابات میں کامیاب ہونیوالے عمر عبداللہ آج وزیر اعلی کا حلف اٹھائینگے ، راہول گاندھی اور پرینکا گاندھی کو بھی حلف برداری کی تقریب میں شرکت کی دعوت دی گئی ہے۔مقبوضہ جموں و کشمیر اسمبلی کے حالیہ انتخابات میں نیشنل کانفرنس اور کانگریس نے اکثریت حاصل کی، نیشنل کانفرنس کے اتحاد نے مقبوضہ کشمیر کی 90 رکنی اسمبلی میں 53 نشستیں حاصل کیں۔عمر عبداللہ دوسری بار مقبوضہ کشمیر کے وزیر اعلیٰ کا عہدہ سنبھالیں گے، اس سے قبل وہ کانگریس اتحاد کے تحت 2009 سے 2014 تک وزیر اعلیٰ رہے۔واضح رہے کہ 5 اگست 2019 کو مودی حکومت نے مقبوضہ کشمیر کی خصوصی حیثیت کو ختم کرکے اسے مرکز کے زیر انتظام علاقہ قرار دیا۔